Boletinerako edukiak

Boletina

Abuztuan zehar TAO zerbitzua etengo du Bergarako Udalak

Abuztuan zehar, urtero bezala, Bergarako Udalak TAO zerbitzua etengo du. Horrek herrigunean aparkatzeko dauden ordu-mugak ezabatzen ditu, eta, aldi berean, zenbait egoera berri sortzen ditu, esaterako, autoen egonaldi luzeak herriguneko zenbait puntutan.

Guztiekiko begirunez jokatu asmoz, denbora luzez geldi egotea aurreikusten diren autoak hilerriko eta azokako aparkalekuetan uztera gonbidatu nahi ditu herritarrak, modu horretan abuztuan herriguneko aparkalekuak erabili asmo dituzten herritarrei herrigunean aparkatzea erraztuz.

Iraburu kale bukaerako aldaparen asfaltatze lanak egingo dira abuztuaren 4an

Bergarako Udalak jakinarazi nahi du asfaltatze lanekin jarraituz, abuztuaren 4an Iraburu kale bukaerako aldapa asfaltatuko dela. Lan horiek behar bezala gauzatu ahal izateko, Koldo Elizalde kaleko aparkalekuen alde bat guztiz libre utzi beharko da, zehazki Koldo Elizalde 3 zenbakitik errotondaraino. Neurri hori ezinbestekoa izango da lanetan erabiliko den makinaria aldaparen azpialdeko gunera iritsi ahal izateko.

Era berean, Iraburu kalean ere hainbat aparkaleku libratuko dira, bertako bizilagunen ibilgailuen zirkulazioa bermatzeko, aurreko esku hartzeetan egin den moduan.

Asteburu musikala Bergaran, abuztuaren 8an eta 9an

Musikak Bergara hartuko du abuztuko bigarren asteburuan, nazioarteko izaera duten bi kontzerturen eskutik. Abuztuaren 8an, Holandatik etorritako Ad Hoc Vakantie Orkestrak kontzertua eskainiko du Espoloian, eta abuztuaren 9an, berriz, Donostiako Musika Hamabostaldiaren Organo Zikloaren barruan, Marie-Bernadette Dufourcet eta Naji Hakim organistek emanaldi berezia eskainiko dute San Pedro elizan, Olmar Elejagaren dantza parte-hartzearekin.

Bergarako Udalak Urteagako bidegorriaren azken fasea gauzatzeko lanak adjudikatu ditu

Bergarako Udalak Urteagako bidegorriaren 5. fasea garatzeko lanei bultzada berria eman die. Izan ere, kontratazio prozesuan, Construcciones Zubieder SL enpresaren proposamena onartu du Udalak lehiaketa publikoan. 143.333,91 euroko eskaintza ekonomikoa egin du (BEZik gabe).

Antzuola eta Bergara arteko bidegorri berria inauguratu da, 1,4 milioi euroko inbertsioa egin ondoren mugikortasun seguruagoa eta jasangarriagoa sustatzeko

Jasangarritasuneko diputatu José Ignacio Asensiok, Antzuolako alkate Olatz Lezetarekin eta Bergarako alkate Gorka Artolarekin batera, bi udalerriak lotzen dituen bidegorriaren zati berria inauguratu du gaur, Debagoienean mugikortasun jasangarria eta oinez eta bizikletaz egindako joan-etorrien segurtasuna hobetzen dituen azpiegitura.