Bergarako Udala

Bergarako udal pilotalekuaren obrarekin jarraitzeko, garabi bat muntatuko da, beraz datorren ostegunean (azaroak 28) eta ostiralean (azaroak 29) trafikoa moztuta egongo da Fraiskozuri kalean bi noranzkoetan, 28ko 08:00etatik aurrera eta 29ko 17:00ak bitartean.

Udaltzaingoek seinaleztapena jarriko dute trafiko bideratzeko eta Joan XXIII enparantza barruko garajeen irteera Irizar kaletik bideratuko da.

Bozeramaileen Batzordean aho batez onartu ostean, Bergarako Udalak Azaroaren 25aren harira prestatutako hurrengo adierazpen instituzionala berretsiko du astelehen honetan ospatuko den osoko bilkuran:

azaroak_25_-_adierazpen_instituzionala.pdf

Lehiaketa euskararen arnasguneak osatzen dituzten udalerri euskaldunetako gazteei zuzenduta dago eta inoizko parte-hartze handiena izan du. Guztira, 260 sormen lan jaso dira, 2023an baino 148 gehiago. Sari banaketa ekitaldia azaroaren 28an izango da 18:00etatik aurrera Bergarako Seminarixoan, eta, besteak beste, Bergarako Udalak bi sari eskainiko ditu.

Lehiaketak hiru kategoria ditu adinaren arabera (LH 5-6; DBH 1-2; eta DBH 3-4) eta 6 sari banatuko dira, guztira 2.500€. Publikoaren saria erabakitzeko 4.200 bozka baino gehiago jaso dira.

Bigarren urtez Bergarako Harixa egitasmoak harixakideen urteko batzarra egingo du datorren azaroaren 28an Bergarako Miguel Altunan.

Bergarako Udalak Euskararen Historia Soziala jasotzeko egitasmoaren barruan euskararen inguruko bizipenak jasotzeko saio bat antolatu du. Bereziki, 1950-1980 inguruko bizipenak jaso nahi dira eta horretara animatzen den jendeari izena emateko gonbita egiten zaio. Partaideak talde txikitan mahai baten bueltan elkartuko dira, kafetxo bat hartuaz, lasai, berriketan jarduteko.

Bakoitzak bere esperientziak eta inguruan ezagututakoak aurkeztuko ditu: umetakoak, eskolakoak, lagunartekoak, lanekoak, zerbitzuen gainekoak… Eta bizipen horietako batzuk bideoan grabatuko dira.

Bergarako Udalak Barrenkale kalea urbanizatzeko proiektua gauzatuko du 2025ean, behin lizitazio epea bukatu eta bi enpresa aurkeztu ostean. Lanek hamar hilabete inguruko iraupena izango dute, eta Udalak 1.600.570,26 euroko aurrekontua (BEZa barne) bideratuko du proiektu honetara. Proiektuaren jatorria eta garapena azaldu asmoz, Udaleko ordezkari politikoak eta teknikariak, dendari, ostalari eta bizilagunekin bildu dira astearte iluntzean.

Azaroak 25ean, Emakumeenganako Indarkeria Desagerrarazteko Nazioarteko Egunaren baitan, ekimen ezberdinak antolatu dira Bergaran Udalaren eta herriko eragile ezberdinen artean.

Besteak beste, azaroak 24 eta 25ean, 19:30ean, ‘Soy Nevenka’ filma ikusi ahalko da Seminarixoan. Horrez gain, azaroaren 25ean emakume helduenganako indarkeriaren kontrako elkarretaratzea ospatuko da 12:00etan San Martin plazan, Duintasuna elkarteak antolatuta. 18:30ean, berriz, manifestazioa ospatuko da Martxanterak eta Oñeztua elkarteek antolatuta.

Bergarako Udalak prentsaurrekoa eskaini du astelehen goizean Hezkidetza Programa berritzaile bat aurkezteko, harreman parekideak, hezkuntza afektibo-sexuala eta tratu onak sustatzeko helburuarekin sortua. Programa hau Bergarako Udalaren III. Berdintasun Planaren barruan kokatzen da, emakumeen eta gizonen arteko aukera berdintasuna bermatzea eta indarkeria matxistari aurre egitea helburu duten neurriekin bat eginez.

Astezken honetan ‘Bergara 2030. Egin Herrixa’ Eskola Agenda 2030 ekimenaren 2024/25 ikasturteko aurkezpena egin da Bergarako udaletxean.

Aranzadi, Ipintza, Mariaren Lagundia eta San Martin eskolako ikasle eta irakasleak hurbildu dira udaletxera eta guztiek sinatu dute diagnostiko partekatua egiteko konpromisoa.

Bertan azaldu da ikasturte honetan kontsumitzen ditugun elikagaiak nondik datozen eta non erosten ditugun aztertuko dutela.

Bergarako Udaleko Euskara Zerbitzuak dirulaguntza emango die 2024an Eusko Jaurlaritzak homologatutako “Haur eta Gazteen Aisialdi Jardueratarako Begirale zein Zuzendari” titulua euskaraz lortu duten bergararrei. Laguntza eskatu ahal izango dute 2024an “Haur eta Gazteen Aisialdirako Begirale zein Zuzendari titulua euskaraz” lortu dutenek, arlo teorikoa ere 2024an amaituta.

Laguntzak aurkezteko epea azaroaren 30ean bukatuko da.