Aranerreka auzoko baserrietara sare publikotik ur hornidura eramatea. Lanak Eusko Jaurlaritzako (EREIN programako) diru-laguntzarekin burutu dira.

Lizitazio publikoa burutu ondoren, Alkateak 2025eko ekainaren 25ean emandako dekretu baten bidez erabaki zuen Aranerreka auzoko baserrietara sare publikoko ur hornidura eramateko lanak “Excavaciones y Transportes Orsa SL” enpresari 463.305,11 eurotan -BEZ barne- adjudikatzea.

 

Juan Jose Lopez Azurmendi nekazal ingenieriaren zuzendaritzapean burututako lanak 2025. urtearen amaiera aurretik bukatu eta 462.962,29 eurotan -BEZ barne- kitatu dira.

 

Eusko Jaurlaritzako Elikadura, Landa Garapen, Nekazaritza eta Arrantza saileko Landaren eta Itsasertzaren Garapeneko eta Europar Politiketako zuzendariak irailaren 13an emandako ebazpenaren bidez, “Erein” programako diru-laguntzak ebatzi zituen eta hauen artean Bergarako Udalari 199.950 euro ematea erabaki zuen aipatutako Bergarako Aranerreka auzoko baserrietara sare publikotik ur hornidura eramateko (2024ko azaroaren 22ko EAEko Aldizkari Ofizialean argitaratua).