‘Udakikuka’, haur eta nerabeentzako udako aisialdi eskaintza aurkeztu dute Bergaran
Enviado por Bergarako Udala en Jue, 2024-04-11 11:40
Pentekoste jaietan San Martin plazako txosna kudeatzeko deialdia ireki du Udalak
Enviado por Bergarako Udala en Mié, 2024-04-10 16:34
Bergarako Udalak 2024ko Pentekoste jaietan, 2024ko maiatzaren 17, 18, 19, 20 eta 21ean, San Martin plazan jarriko den txosnaren ustiaketaren adjudikazioa arautuko duen baldintza-plegua aurkeztu berri du.
Bergarakoak izan eta irabazi asmorik ez duten kultur edo kirol elkarteek, herri-taldeek eta ongintzako elkarteek aurkez ditzakete eskaerak, lehentasuna izango dutelarik kultura, kirola, hezkuntza edo irakaskuntza eta ongintza helburu dituzten herriko taldeek.
Oxirondo azoka atontzeko lanak apirilaren 15ean hasiko dira
Enviado por Bergarako Udala en Lun, 2024-04-08 11:41
Bertako komertzioetan ahalik eta eragin txikiena izateko alternatibak bilatu ostean, Bergarako Udalak apirilaren 15ean hasiko ditu Oxirondo azoka atontzeko lanak. Lan hauekin azokako postu finkoak dauden espazioa erakargarriagoa bilakatzea nahi da, eta, horretarako, Udalak 48.201,86 euroko inbertsioa egingo du. Helburua espazio guztiari antzekotasun estetikoa eskaintzea izango da.
Jose Luis Elkororen inguruko ‘Han Egon Zen’ liburua aurkeztuko dute apirilaren 13an Bergaran
Enviado por Bergarako Udala en Vie, 2024-04-05 15:15
Mikel Zubimendi idazleak Jose Luis Elkoro (Elgeta, 1935) Bergarako alkate eta politikari ohiaren inguruko ‘Hor Egon Zen’ liburua idatzi berri du. Berau ezagutarazi asmoz, aurkezpen publikoa egingo dute apirilaren 13an, larunbata, Bergarako udaletxeko pleno aretoan, 12:00etatik aurrera.
Elkorok, 89 urterekin, ibilbide luze eta anitza izan du politika eta herrigintza arloan. Bergarako alkate izateaz gain, Herri Batasunako Mahai Nazionaleko kide izan zen, eta Eusko Legebiltzarreko parlamentari izateaz gain, Espainiako diputatu eta senatari izan zen.
Bergarako Adinekoen Kontseiluak bilera berria ospatuko du apirilaren 10ean
Enviado por Bergarako Udala en Jue, 2024-04-04 11:39
Bergarako Udalak iragarri duenez, Adinekoen Kontseiluaren bilera berri bat ospatuko da datorren asteazkenean, apirilaren 10ean, udaletxeko pleno aretoan, 18:00etatik aurrera. Kontseiluaren bigarren bilera izango da bere sorreratik, eta helburuak aurreko bileran etorritakoekin adostu ziren premiei lehentasuna ematea eta adineko pertsonen kontseiluak izango dituen egiteko nagusiak identifikatzea izango da.