Bergarako Udala

Ibargarai hiribideko Parking publikoa itxita egongo da abuztuaren 12tik 14ra garbiketa orokorrak egingo direlako.

Bergarako Udalak San Martin feriarako prestaketa lanekin aurrera dihardu. Hori dela eta, deialdia hutsik geratu ostean, berriz ireki da epea odoloste txosna ustiatzeko deialdirako. Izena emateko azken eguna irailaren 2a izango da.
Eskaerak udaletxeko BAZ-era (herritarren arreta zerbitzura) bertaratuta edo eta erregistro elektronikoan aurkeztuta egin beharko dira. Horretarako inprimakia bete beharko da.

· Odolosteen txosnarako oinarriak eta dokumentazioa: https://bergara.eus/eu/node/19759

Abuztuan zehar, urtero bezala, Bergarako Udalak TAO zerbitzua etengo du. Horrek herrigunean aparkatzeko dauden ordu-mugak ezabatzen ditu, eta, aldi berean, zenbait egoera berri sortzen ditu, esaterako, autoen egonaldi luzeak herriguneko zenbait puntutan.

Guztiekiko begirunez jokatu asmoz, denbora luzez geldi egotea aurreikusten diren autoak hilerriko eta azokako aparkalekuetan uztera gonbidatu nahi ditu herritarrak, modu horretan abuztuan herriguneko aparkalekuak erabili asmo dituzten herritarrei herrigunean aparkatzea erraztuz.

Bergarako Udalak Beroaldien Aurkako Plana aktibatu du astelehen eta astearte honetarako eguraldiaren aurreikuspena dela eta. Plan horren helburua da gehiegizko tenperaturak herritarren osasunean duen eragina prebenitzea eta murriztea, urteko hilabete beroenetan, eta arreta berezia jartzea egoera ahulenean dauden kolektiboei.

Soraluzeko jaiak direla eta, Mugikortasuneko, Turismoko eta Lurralde Antolaketako Departamentuak Lurraldebuseko gaueko zerbitzuak jarriko ditu uztailearen 23tik 26ra.

Soraluzeko jaiak direla eta, gaueko zerbitzuak egongo dira uztailaren 24tik (asteazkena) 26ra (ostirala). Irteerak Eibarrerako noranzkoan izango dira 00:00etan eta 2:00etan Aretxabaletatik 00:10, 02:10 eta 04:10ean Arrasatetik, Bergaratik (0:30, 2:30 eta 4:30) Osintxutik (0:35, 2:35 eta 4:35), Soraluzetik (0:40, 2:40 eta 4:40) eta Eibarrera (0:50, 2:50 eta 4:50).

Udalek 4-5 urtean behin egiten dituzte euskara planak Eusko Jaurlaritzak finkatutako gidalerroei jarraiki, Jaurlaritzak aurtengo urte hasieran onartu zuen AROA izeneko bere marko estrategikoa eta hura oinarri hartuta, Bergarako Udalak datozen 4 urteetarako plana diseinatu du herritarren, herriko eragileen eta udaleko teknikari eta politikarien parte hartzearekin.

Euskararen etorkizuna bidegurutze batean dagoen aldi honetan Udal gobernuak agintaldirako finkatutako lan-ildo nagusietako bat da hizkuntza normalizazioan urrats sendoak ematea.

Euskadiko Orkestrak kontzertu berezia eskainiko du irailaren 6ean Bergarako San Pedro elizan, bertan dagoen Stoltz Freres organoaren aldeko kontzertu onuragarrian. Kontzertu horretarako sarrerak asteazken honetan, uztailaren 24ean, jarriko dira salgai 18:00etatik aurrera hurrengo loturan: https://seminarixoa.eus/gertaera/euskadiko-orkestraren/

Oxirondo azoka biziberritzeko asmoz, eta bertan martxan jarriko den Elikaenea proiektua garatzeko, Bergarako Udalaren eta irabazi asmorik gabeko Ereindajan kooperatibaren arteko hitzarmena onartu du udalbatzak astelehen honetan ospatutako plenoan.