Enviado por admin en Jue, 2013-02-07 16:30
Sarritan seme-alabak etxera datozenean egunean zehar izan dituzten arazoak ekartzen dituzte (lagunen arteko tirabirak; azterketen edo lanaren presioa; maite duten pertsonen edo harremanen baten galera; kontzientzia-nahasketa , bai gaixotasunagatik bai toxikoen eraginarengatik,). Horren aurrean gurasoen laguntza nolakoa izan daiteke.
Bergarako Udaleko Prebentziorako Zerbitzuak 12 eta 18 urte bitarteko seme-alabak dituzten gurasoendako ikastaroa prestatu du egoera zailetan jokabide eraginkorrak izateko hainbat jarraibide irakasteko.
Ikastaroa teorikoa eta praktikoa izango da. Bertan ikasiko dira, besteak beste: erlaxazio eta kontzentrazio teknikak; hemen eta orain egoteko formulak; adimen emozionalaren garapenerako teknikak; komunikazio-teknikak; rol jokoak eta simulazioak.
Ikastaroa Erain zentroko ordezkari batek emango du, gazteen osasun Integralean lan egiten duten profesionalak dira.
IKASTAROAREN EZAUGARRIAK:
Talde mugatua izango da, gehienez 15 kidekoa.
Kultur etxean izango da.
Astean bi egunetan, saio bakoitza 2 ordukoa.
Arratsaldeko 6etatik 8etara.
Maiatzaren 14,16,21,23
IZENA EMATEKO ETA EDOZEIN ARGIBIDERAKO:
Telefonoz: 943 77 91 26.
E-mailez: aloidi@bergara.eus
Epea: maiatzaren 2tik 10era.