Enviado por Bergarako Udala en Jue, 2019-03-14 13:58
Udalak martxan jarri du 2019ko Pentekoste jaien programaren azala egiteko lehiaketa.
Edozeinek parte har dezake eta teknika librea izango da, baina azalak ondorengo testua izan beharko du: 'Pentekoste jaiak 2019 Bergara'.
Lanek originalak behar dute izan, eta baztertuak izango dira adikzioen prebentzioaren zein berdintasunaren kontrako irizpideak jasota dituztenak.
Lanak aurkezteko azken eguna maiatzaren 2a izango da, 13:00etan; eta irabazleak 400 euroko bonoa eskuratuko du Bergarako komertzio eta zerbitzuetan gastatzeko.
Maiatzaren 6tik 12ra aurkeztutako irudi guztiak ikusgai egongo dira bergara.eus webgunean eta herritarrek bozkatzeko aukera izango dute; herritarren botoek %50eko balioa izango dute. Beste %50 epaimahaiari dagokio.
Informazio gehiago: bergarako_pentekoste_jaiak_2019.doc
