Ibilaldi hau Deba arroa eta Urola arroaren artean dagoen mendizerratik luzatzen da. Bertan, interes arkeologikoa duen eremu baten zatia ikus daiteke. 16 kilometro luze da, eta 4 ordu behar dira osorik betetzeko.
Plaza dagoen lekuan, Kontzeju plaza izenarekin ezagutzen zen plaza txiki eta xumeagoa bazegoen jada XVI. mendean. Plazatxo hartan, XVII. mendearen bigarren erdian, Barroko garaian beraz, aldaketa sakonak egin zituzten:
Reizabal eta Monzon izenez ere ezagutzen dena, XVI. mende hasierako eraikuntza trinkoa eta indartsua da. Olasok, dorre gogorra duen etxearen antza hartzen du. Etxe honetan obra ugari egin dira fatxadetan: leihoak itxi eta zabaldu egin dira eta korridoreak zein galeriak ipini eta kendu zaizkio.
Hala ere, dorre honek ez du galdu bere jatorrizko indarra ez eta izaera sendoa ere. Kareharrizkoa eta bi gorputzekoa:
