Pupu eta Lore: Haizearen herrira

Sinopsia: Pupu eta Lore poz-pozik daude, Aitona Manolo etorri baita bisitan, bere gitarra, kantu eta jolasekin. Gauza oso gutxirekin, mundua dantzan jartzeko kapaz da aitona Manolo: musika eta irudimen apur bat. Zer besterik behar da, ba, egunerokotasuna magiaz janzteko? Ikuskizun honek Imanol Urbietaren kantuak ditu oinarri: haurrek eta aitona-amonek elkarrekin jolas egin dezaten propio sortuak. Horiez gain, lehendik ere ezagunak diren Imanolen beste kanta batzuk ere gozatu ahal izango ditugu. Xabier Zabalak landu, egokitu eta jantzi ditu doinuok. Aktoreak: PUPU Iraitz Lizarraga LORE Ekain Ibarguren AITONA MANOLO Inazio Tolosa