Enviado por Bergarako Udala en Vie, 2020-05-08 18:04
Bergarako Udalak hiru dirulaguntza mota ematen ditu euskara ikasteko edota ikasketa osagarriak euskaraz egiteko:
· Bergarako Udal Euskaltegitik kanpo euskara ikasten duten bergararrentzako dirulaguntza (beste euskaltegi baten edo barnetegi baten; izan ere Bergarako euskaltegian ikasten dutenentzako laguntzak euskaltegitik bertatik ematen baitira).
· Udako Euskal Unibertsitateak (UEUk) antolatutako ikastaroetan parte hartzen duten bergararrentzako dirulaguntza.
· UNEDeko Idazle Eskolak antolatzen dituen modulu eta hitzaldietan parte hartzen duten bergararrentzako dirulaguntza.
2019-2020 ikasturtean edota 2020ko udan egindako ikastaroengatik dirulaguntzarako eskaerak 2020ko irailaren 15a baino lehen aurkeztu behar dira Bergarako udaletxeko Arreta Zerbitzuan (BAZ).
Informazio gehiago:
§ Bergarako Udaleko Euskara Zerbitzuan. E-posta: euskara@bergara.eus
§ Eta Bergarako Udalaren webgunean.
