Bergarako Udalera deitzeko 010 telefono zenbakia jarri da martxan

Urtarrila bukaeran martxan egongo da erabat Bergararren Arreta Zerbitzua, B@Z. Horren bitartez, erraztu egingo da herritarren eta Udalaren arteko harremana, aurrez aurre, telefonoz, makina elektronikoarekin zein Internet bidez.

Udaleko harrera zerbitzua berrantolatu egin da, Udaletxea zabalik dagoen uneoro tramiteak egiteko makina elektronikoak jarri dira, eta azken berrikuntza da Udaletxera deitzeko telefono zenbaki bakarra ezarri izana: 010.