Inausketa lanetan sortutako egur loteak doan eskainiko ditu Bergarako Udalak

Bergarako Udalak 2024. eta 2025. urteetan bere mendi, baso edo lorategietako lanetan sortutako egurra doan emango die eskaera hau egiten duten bergararrei. Une bakoitzean emateko dagoen egur-kantitatearen arabera, loteak egingo dira eta zozketatik ateratako lehentasunaren arabera eskainiko dira.

Jaso nahi duten egurra garraiatzea eta horretarako egin beharreko mozketak adjudikazio hartzailearen kontura izango dira, eta bere ardurapean, bere bitartekoekin eta behar diren segurtasun-bitartekoekin erretiratuko dituzte.

Udal gobernua: “Etorkizunari imajinazio komunitariotik erantzungo dion Bergara aktiboa lortu nahi dugu”

Etorkizunari imajinazio komunitariotik erantzungo dion Bergara aktiboa eraiki nahi dugu. Kontzeptu korapilatsua iruditu dezakeen arren, hiru elementu garrantzitsu barnebiltzen ditu esaldi horrek: Etorkizuna, Imajinazioa eta Komunitatea.

Historikoki jakinduria handiko herria izan da Bergara. Jakinduria; gure gizartearen momentuko erronkei erantzuteko, eta gizarte eta komunitate bezala garatu ahal izateko. Eta jakinduria zerbait bada, imajinazioa da.

“Bergararron etorkizuna imajinaziotik eta komunitate izaeratik irudikatu behar dugu”

Ze helbururekin osatu duzue Agintaldi Plana?

Lehenbizi, aipatuko nizuke gobernu bezala beharrezkoa ikusten dugula Agintaldi Plan bat lantzea, legegintzaldi osorako bideorri bezala erabiliko duguna. Asko aldatzen ari da mundua.

Asko aldatzen ari da Euskal Herria eta baita Bergara ere. Asko eta azkar. Eta egoera horren aurrean Bergaratik ere errezeta berriak eskaini behar dizkiegu arazo horiei, eta horretarako beharrezkoa da bideorri berritu bat edukitzea.

Udazken-neguko aukeren azoka ospatuko dute herriko komertzioek asteburu honetan

Udazken-neguko aukeren azoka otsailak 22 (osteguna), 23 (ostirala) eta 24 (larunbata) ospatuko du Bergarako Bedelkar elkarteak.

Komertzioek produktuen stock metatua bezeroei eskainiko die prezio murriztuan, udalerriko erdialdeko kaleetan merkataritza fluxua sortuko dute, kalea dinamizatuz eta hurbileko eta tokiko erosketa bultzatuz.

Ideia, aurreko aldietan bezala egitea da, hau da, establezimenduek produktua saltoki aurrean ikusgai jarriko dute, karpak ere bertan kokatuz.

Korrika-rako giroa berotzen hasi dira bergararrak

Otsailaren 20an (asteartea) arratsaldeko 7etan udaletxeko pleno aretoan izango da Bergarako KORRIKA batzordearen hurrengo bilera eta interesa duten herritar guztiak gonbidatzen dira bertara.

Bestalde, martxoaren 20an pasatuko da KORRIKA Bergaratik eta norbaitek kilometroa erosi nahi badu, Debagoieneko koordinatzailearekin harremanetan jarri behar da: korrikadebagoiena@gmail.com edo 688746635

Bestalde, otsailean hasita, zenbait kultur ekitaldi antolatuko dira batzordetik eta aste honetan saskigintza tailerra izango da.

Ekintzaileei bideratutako ‘Ekin Debagoienean’ tailerrak antolatu ditu Debagoieneko Mankomunitateak

Debagoieneko Mankomunitateko Garapen Agentziak antolatutako “EKIN Debagoienean” Ekintzaileei zuzendutako Tailer presentzialak, doakoak eskainiko dira Mankomunitateko bulegotan, Arrasaten, Nafarroa Etorbidea, 17an.

Euskararen Plan Estrategiko berria lantzeko galdetegia prestatu du Bergarako Udalak

Bergarako Udalak Euskararen Plan Estrategikoa egingo du 2024-28 epealdirako. Hori dela eta, herritarren eta herriko elkarteen iritziak eta ekarpenak jasotzeko prozesu bat bideratuko du. Eta horretarako, besteak beste, galdetegi labur bat gertatu du nahi duenak erantzuteko.

Jasotako erantzunen bidez jakingo du Udalak zeintzuk diren, herritarren ustez, landu beharreko arlorik garrantzitsuenak.

Emakume zientzialariak ezagutarazteko lehiaketa ospatu dute Bergarako ikasleek

· Mariaren Lagundiko 6. Mailako ikasle talde batek irabazi du lehiaketa, Elizabeth Blackburn zientzialariaren inguruan eginiko ikusentzunezko lan batekin.

· Laboratorium Museoak eta Bergarako Udalak Emakume Zientzialarien lana nabarmendu nahi izan dute ekimen honen bitartez.

BIDEOA IKUSI: https://youtu.be/I9BJTeoyJ8I?si=J30o92JYFpnisB13

500 zuhaitzetik gora landatuko dituzte Bergaran auzolanean otsailaren 24ean

Otsailaren 24ean Bergarako Udalak eta Kukubaso elkarteak bertako zuhaitzen landaketa antolatu dute Itsasmendiko udal lursailetan, eta, helburu horrekin, bergararrak ekimenean parte hartzera gonbidatu dituzte. Aurtengo bigarren zuhaitz landaketa izango da, eta, kasu honetan, espezie ezberdinetako 500 zuhaitzetik gora landatuko dira.

Oinarrizko sukaldaritza ikastaroa antolatu du Bergarako Elikadura Mahaiak

· Martxoa eta apirila bitartean, Jesus Kalboetxeaga sukaldariak elikagaien aprobetxamendua eta eguneroko ekonomia errazteko ikastaroa eskainiko du.

Bergarako Elikadura Mahaiak oinarrizko sukaldaritza ikastaroa antolatu du martxoa eta apirilean, ‘Elikadura burujabetzan kataiari helduz’ jardunaldien barruan. Izan ere, iazko azarotik otsailera bitartean, ikastetxeekin elkarlanean burutako jarduerak egin dira, eta datozen asteetan ere aipatutako ekimena jarriko da martxan.

Orriak