Albisteak

Bergarako Txoko Feminista sortzeko prozesuak laugarren saioa egingo du maiatzaren 30ean. Oraingoan, eztabaidagai izango da zein gobernantza eta partaidetza eredu nahi den etorkizuneko etxerako. Saioa maiatzaren 30ean izango da, ostirala, 18:00etatik 20:30era, Udaletxeko Pleno Aretoan.

Abian da aurtengo Pentekoste jaietako hainbat ekintzetan izena emateko epea.
Informazio guztia hemen:

· Ihes Gela: https://bergara.eus/eu/node/20625
· Mokoloblok: https://bergara.eus/eu/node/20624
· Bakailao Lehiaketa: https://bergara.eus/eu/node/20620

Ekintza hauetan parte hartu nahi dutenek ekainaren 1a baino lehen eman beharko dute izena. Lekuak mugatuak dira, beraz, gomendagarria da izena lehenbailehen ematea.

Bergarako Udalak hautaketa prozesua jarri du martxan Kultura Teknikari laguntzailea hautatzeko.

Prozesua arautuko duten oinarria arautzaileak web orrian argitaratu dira, eta beste batzuen artean, parte hartzeko beteekizunak izango dira Diplomatura, gradua edo lizentziatura titulazio akademikoa izatea eta 4. hizkuntza eskakizunari dagokion euskara-maila izatea.

Bergarako Udalak eta Ndank Ndank elkarteak lankidetza-hitzarmen berria sinatu dute, Bergaran kulturartekotasuna eta bizikidetza positiboa sustatzeko helburuarekin. Hitzarmenak urte osoko iraupena izango du, eta elkarteak garatuko dituen jarduerak ekonomikoki babesteko 15.000 euroko dirulaguntza zuzena jasotzen da bertan.

Pentekosteak hurbiltzen ari direla eta, Bergarako Udaleko ordezkariek, Xaxau Konpartsako kideek, Bergarako Erraldoi Taldeko kideek eta Ander Barruso kartelaren egileak aurtengo Pentekosteetako egitarauaren eta hainbat xehetasunen berri eman dute asteazken honetan udaletxean eskainitako prentsaurrekoan. Besteak beste, aurtengo txupinazoa Bergarako Erraldoi Taldeak jaurtiko du, beren 25. urteurrena omentzeko helburuarekin.

Kontsultatu egitaraua hemen: https://bergara.eus/eu/node/20541

Indarkeria matxista desagerrarazteko bidean aurrera egiteko asmoz, Bergarako Udalak, Martxanterak eta Oñeztua talde feministen aldarrikapenak eta ekarpenak jasoz, jai eta aisialdiko eremuetan indarkeria matxista prebenitzeko eta horren aurka jarduteko protokoloa prestatu du.

Protokolo honen helburua da jai testuinguruetan eta aisialdiko espazioetan emakumeen aurkako indarkeria matxistari aurre egitea, eragile ezberdinen inplikazio aktiboarekin.

Bergarako Udalak egindako eskaerari erantzunez, Mugikortasuneko, Turismoko eta Lurralde Antolaketako Departamentuak Lurraldebuseko gaueko zerbitzuak jarriko ditu herrian, Ekinez jaialdiaz eta Pentekoste jaiez gozatu nahi dutenek modu jasangarri, eroso eta seguruan gozatzeko aukera izan dezaten. Azahara Dominguez diputatuak azaldu duenez, zerbitzu horiek maiatzaren 30etik 31ra bitarteko gauean eta ekainaren 6ko eta 7ko asteburuan jarriko dituzte.

Bergarako Udalak Emakumeen Txokoaren sorkuntza prozesuaren hirugarren saioa antolatu du datorren maiatzaren 24an, larunbatean, 10:00etatik 13:30era, Udaletxeko pleno aretoan.

Oraingo honetan, “Gure txokoa Arrizurriagan” izango da saioaren izenburua, eta helburua izango da Arrizuriaga jauregia bisitatu eta proiektua bertan nola kokatu pentsatzea. Saio hau gogoeta fasearen atal berri bat da, eta emakumeen partehartzea funtsezkoa izango da espazio honen definizioan.

Bergarako Udalak bat egingo du Eusko Jaurlaritzaren ‘NIK Patrika Digitala’ aplikazioarekin, erabiltzaileei erraztasun gehiago eskainiz. Horri esker, Agorrosin eta Labegaraietako kiroldegietako abonatuek sartzeko txartel digitala deskargatu eta euren sakeleko telefonoan eraman ahalko dute.

Gainera, aplikazioaren bidez, instalazioen erreserbak, abonu altak eta bestelako kudeaketak modu eroso eta azkarrean egin ahal izango dituzte. NIK Patrika Digitala aplikazioak euskal erakunde publikoek emandako beste txartel batzuk ere gordetzeko aukera ematen du.

Bergarako Udalak maiatzaren 31n ospatuko den “Tabakorik Gabeko Nazioarteko Eguna”ren harira sentsibilizazio kanpaina eta "KRIXKITIN ETA ERRALDOIEK AIRE GARBIA ARNASTU ZUTENEKOA" liburua aurkeztu ditu. Bi ekimen hauen helburua da tabakoaren kontsumoaren inguruko kontzientziazioa areagotzea eta prebentzio mezua zabaltzea, batez ere haur eta familien artean.