Arane Erreka kaleko hiru zuhaitz ordezkatuko ditu Bergarako Udalak

Arane Erreka kalean dauden hiru aligustre ( Ligustrum japónica) kendu beharko ditu Bergarako Udalak datozen egunetan hauen osasun arazoengatik. Horien ordez, beste hiru elorri landatuko dira jarraian.

Izan ere, aipatutako hiru aligustreetatik bat erabat lehortu da. Haren ondoan dagoenak ere (2, zenbakiko atariaren ondoan) arrama batzuk ere sikuak ditu.

Horien ordez, Arane Erreka kaleko hasieran elorriekin ( Crataegus laevigata Paul´s Scarlet) alineazioa jarraitzea erabaki dute udal arduradunek, kale guztian espezie berdina egon dadin.

Plaza libre batzuk Bergarako udaleku irekietan

Udaleku irekietan taldeak osatzeko plaza libre batzuk gelditu dira. Plaza libre horiek eskuratzeko eskatzaileek harremanetan jarri beharko dute Bergarako Udalarekin zehaztuz haurraren izen abizenak eta jaiotze urtea. Izena ematen dutenekin zozketa egingo da.

Izena emateko azken eguna: maiatzak 24, 14:00 arte.

Izena emateko moduak:
-Udaleko BAZ zerbitzuan izena ematea.
-Email honetara idaztea: gazteria@bergara.eus

Negozio txikien digitalizazioan laguntzeko ikastaroak antolatu dituzte

Negozio txikien digitalizazioan aurrera egin asmoz, Debagoieneko Mankomunitateko Garapen Ekonomikoko Agentziak tailer eta jardunaldi ezberdinak antolatu ditu eskualdeko herrietan zehar.

Bergarari dagokionez, ikastaroak maiatzaren 27an, 28an eta 29an ospatuko dira, negozioetarako sare sozialen garapenean oinarrituko dira.

Herriaren azterketa sozioekonomikoa abiatuko du Bergarako Udalak

Bergarako Udalak ikerketa bat jarriko du abian datozen egunetan Bergarako egoera sozioekonomikoari buruzko ikerketa eguneratzeko, egungo egoera sozioekonomikoa ulertzeko eta etorkizunerako kontuan hartu beharreko alderdiak eta erronkak aztertzeko. Ikerketa hau egiteko ardura IKEI RESEARCH & CONSULTANCY SA enpresak izango du, eta Udalak 20.000 euroko inbertsioa egingo du.

Bergarako ikasleek energiaren inguruko esku-hartze plana aurkeztu dute Eskolako Agenda 2030 programaren baitan

Bergarako Eskolako Agenda 2030 proiektuaren bitartez, Garapen Iraunkorreko Helburuekin bat egin eta “Energia eskuragarria eta ez kutsatzailea” den 7. Helburua landu dute. Ikastetxe guztien artean elkarlanean udalerriaren egoera hobetzeko esku-hartze plana diseinatu eta udal ordezkariei aurkeztu diete adin guztietako ikasleek.

Proiektuaren protagonistak

Trafiko mozketa ostiral honetan Itzulia Women txirrindulari froga dela eta

Ostiral honetan, maiatzaren 10ean, Itzulia Women txirrindulari froga pasako da Bergaratik. Ondorioz trafikoa itxi egingo da eta GI-627 errepiderako irteera eta sarrera guztiak itxita egongo dira, goizeko 10:15etatik eta trafikoa zabaldu bitartean (gutxi gora behera 12:00etan).

Lasterketaren inguruko informazio guztia hurrengo helbidean kontsulta dezakezu: https://itzulia-women.eus/eu/etapak/vitoria-gasteiz-elgoibar/

Panteoi-Berja tasaren eta Kutxazain automatikoen okupazioaren tasen kobrantza epea ireki du Bergarako Udalak

Bergarako udalerriko zergapekoei jakinarazten dizuegu Panteoi-Berja tasaren 2024ko erreziboak ordaintzeko epea, lekuak eta medioak ondokoak direla:

Epea:

Ø  2024ko maiatzaren 13tik  2024ko uztailaren 15era

Lekuak eta medioak:

Ø  Helbideratutako erreziboak, baimendutako finantza erakundeetan eta zergapekoak agindutako kontu korrontetik kobratuko ditugu 2024ko uztailaren 15ean.

Orriak