Deialdi honen xedea da aldi baterako kontratazio edo izendapen premiei erantzungo dien administrarien lan-poltsa osatzea, lehiaketa-oposizioaren bidez.
Halaber, administrari laguntzaileen aldi baterako kontratazioen premiei ere erantzuteko erabiliko da.
Lanpostua sailkapeneko C1 sailkapen-mailakoa da eta lanpostu edo plaza bakoitzari dagokion soldata-maila du. Halaber, 3. hizkuntz eskakizuna dagokio, derrigorrezkoa.
Administrarien lan-poltsa erabiliko da Bergarako Udalean sortzen diren behin-behineko beharrei erantzuteko.
Halaber, horrela baimenduko balute izangaiek, beste udal edo entitate publikoei lagako zaie, aldi baterako kontratazio-premia dutela eta propio eskaera egingo balute.
Aurreikusten den lan-poltsaren iraupena luzatu ahal izango da, administrari laguntzaileenari dagokionean betiere lan-poltsa espezifikoak osatzen ez bada aurretik. Horrela izango balitz, hasierako urtebetea pasatu ondoren azken hauek lehentasuna izango dute dagozkien kontratazio-premietarako.
